Santos Express Train Lodge is bevoorreg om die bekroonde André Schwartz se sukses-vertoning “Any Dream will do – My Pad met Webber” op Woensdag, 23 Oktober 2024, in die nuwe Stage Coach-Teater te verwelkom.
Volgepakte teaters, staande toejuigings, goeie resensies en teaterbenoemings regoor die land getuig van die sukses van hierdie produksie.
Kaartjies kos R180 vir die vertoning. Jy kan die kaartjies aanlyn koop by Quicket of by die ontvangskantoor van Santos Express Train Lodge in Munro Straat, Santos-strand, Mosselbaai.
Kom geniet net die show of boek ‘n vaste prys driegang ete wanneer jy kaartjies koop vir ‘n onvergeetlike aand. Ete begin 18:00. Show begin 20:00.
In hierdie Afrikaans-Engelse-produksie ondersoek Schwartz sy verhouding met alles wat Andrew Lloyd Webber is. ‘n Verhouding wat begin het toe hy Andrew se werk vir die eerste keer op die ouderdom van 12 teëgekom het toe hy Joseph en sy wonderlike Technicolor Dreamcoat gesien het. Hy gebruik hierdie verbinding met Webber sowel as verdere interaksies as ‘n platform om sy eie lewensverhaal te vertel. Gestroop. Rou. Kwesbaar.
Schwartz se moeder, wat ‘n wesenlike invloed op sy lewe gehad het, word aangehaal: “Weef jou jas en skep ‘n tapisserie van kleure, laat dit so helder skyn as wat jy dit wil hê, droom wat jy wil, selfs al word drome en werklikheid ononderskeibaar. Jy besluit jou eie waarheid, maar onthou altyd jou pad huis toe.
Huis is waar die waarheid vir André lê. Dit wissel tussen oomblikke toe sy jas helder geskyn het en die eerste Phantom in Suid-Afrika geword het met Webber se seël van goedkeuring, tot oomblikke waar elke sweempie kleur uit sy jas verdwyn het, nadat hy ‘n diagnose van motorneuronsiekte ontvang het.
Die narratief sowel as liedjies, soos Any Dream will Do, You must love Me, Music of the Night, No Matter What, Memory en Send in the Clowns, weef saam en vorm ‘n eenheid wat hierdie stuk stewig in die genre van suiwer teater plaas. As jy ‘n “sitkamermusiek” -weergawe van een van hierdie gunstelinge verwag, kom jy na die verkeerde vertoning.
Send in the Clowns is die enigste liedjie in die produksie wat nie deur Webber geskryf is nie. “Ek verwonder my aan die vrymoedigheid van jong kunstenaars wat dink hulle het die reg besit om hierdie liedjie te interpreteer. Hul wals met tyd is propvol lewe. Terwyl ons, van wie die jeug verlaat het, die uiteindelike nar besef” sê Schwartz.
Die liedjies word onbewaak, gestroop en skaamteloos eerlik aangebied – net soos Schwartz se lewensverhaal.
Die vertoning beweeg tussen oomblikke van geweldige pyn wat die kunstenaar ervaar, na verhewe oomblikke van hoop en inspirasie – die sleutelboodskap van die vertoning.
Humor is alomteenwoordig en vlymskerp – dikwels selfvernietigend.
Kom geniet net die show of boek ‘n vaste prys driegang ete wanneer jy kaartjies koop vir ‘n onvergeetlike aand. Kaartjies, wat die driegang-aandete insluit, kos slegs R420. Ete begin 18:00.
Kom geniet ‘n onvergeetlike aand. Ete begin 18:00. Show begin 20:00
Indien jy sommer in die historiese trein wil oorslaap, het ons beperkte trein kompartemente, wat elk maksimum slaapplek vir twee persone bied, met kontinentale ontbyt vir twee persone ingesluit, beskikbaar teen R440 per kompartement.
Vir meer inligting: +27 44 691 1995
