Bekroonde kabaret-produksie van Elsabé Zietsman kry ‘n ekstra vertoning

Santos Express Train Lodge is baie opgewonde om bekend te maak dat ons ’n ekstra vertoning gaan aanbied van Elzabé Zietsman se uitverkoopte kabaret in ons nuwe teater.

𝐇𝐞𝐭 𝐣𝐲 𝐚𝐥 𝐣𝐨𝐮 𝐤𝐚𝐚𝐫𝐭𝐣𝐢𝐞𝐬 𝐛𝐞𝐬𝐩𝐫𝐞𝐞𝐤?

Santos Express Train Lodge stel sy nuwe 𝐒𝐭𝐚𝐠𝐞 𝐂𝐨𝐚𝐜𝐡 𝐓𝐞𝐚𝐭𝐞𝐫 bekend met die bekroonde “4 Panado’s en ’n Chardonnay” kabaret-produksie van Elsabé Zietsman.

Ons ekstra vertoning is op Donderdag, 15 Augustus.

𝙄𝙣 ’𝙣 𝙬𝙚̂𝙧𝙚𝙡𝙙 𝙬𝙖𝙖𝙧 𝙫𝙚𝙧𝙖𝙣𝙙𝙚𝙧𝙞𝙣𝙜 𝙙𝙞𝙚 𝙚𝙣𝙞𝙜𝙨𝙩𝙚 𝙠𝙤𝙣𝙨𝙩𝙖𝙣𝙩𝙚 𝙞𝙨, 𝙝𝙚𝙩 𝙀𝙡𝙨𝙖𝙗𝙚́ 𝙕𝙞𝙚𝙩𝙨𝙢𝙖𝙣, ’𝙣 𝙖𝙡𝙤𝙢𝙗𝙚𝙠𝙚𝙣𝙙𝙚 𝙞𝙣 𝙙𝙞𝙚 𝙎𝙪𝙞𝙙-𝘼𝙛𝙧𝙞𝙠𝙖𝙖𝙣𝙨𝙚 𝙚𝙣 𝙀𝙪𝙧𝙤𝙥𝙚𝙨𝙚 𝙩𝙚𝙖𝙩𝙚𝙧𝙬𝙚̂𝙧𝙚𝙡𝙙, ’𝙣 𝙠𝙖𝙗𝙖𝙧𝙚𝙩𝙥𝙧𝙤𝙙𝙪𝙠𝙨𝙞𝙚 𝙜𝙚𝙨𝙠𝙚𝙥 𝙬𝙖𝙩 𝙙𝙞𝙚 𝙫𝙚𝙚𝙧𝙠𝙧𝙖𝙜𝙩𝙞𝙜𝙝𝙚𝙞𝙙 𝙫𝙖𝙣 𝙝𝙖𝙖𝙧 𝙚𝙣 𝙝𝙖𝙖𝙧 𝙢𝙚𝙙𝙚-𝙎𝙪𝙞𝙙-𝘼𝙛𝙧𝙞𝙠𝙖𝙣𝙚𝙧𝙨 𝙫𝙞𝙚𝙧.

Allan Robertson van Santos Express Train Lodge, sê Zietsman se kabaret resoneer met die konstante groeiproses wat hulle onderneming ervaar. “Dit is duidelik dat daar ’n behoefte aan gehalte vermaak in die Suid-Kaap is en ’n teater wat die nabyheid van die see en die nostalgie van die verlede, in ons geval die pragtige gerestoureerde trein en herinneringe aan treinreise, by mekaar bring.”

“Rond dit af met ’n ‘dinner-theater’ van ouds en jy bring ’n ervaring wat herinnerige gaan bou,” vertel Allan.

Elsabé se kabaret, getiteld “4 Panado’s en ’n Chardonnay”, is ’n viering van die Suid-Afrikaanse gees van volharding en aanpassingsvermoë. In hierdie kabaret, ook bekend as “Ek het al so baie my *** gesien, ek is bang vir *****”, vier Zietsman die veerkragtigheid van haar en haar mede-Suid-Afrikaners.

Dié kabaret is ’n ligte, intelligente, snaakse en bemoedigende vertoning wat die gehoor met ’n gevoel van hoop en optimisme laat.

Kaartjies kos R180 vir die vertoning. Jy kan die kaartjies aanlyn koop by https://qkt.io/ekstraelzabe of jy by die ontvangskantoor van Santos Express Train Lodge in Munro Straat, Santos-strand, Mosselbaai.

Kaartjies, wat die vertoning asook ’n driegang-aandete insluit, kos slegs R420.

Kontak +27 44 691 1995 vir meer inligting.